"వీర" సినిమా బాక్సాఫీస్ వద్ద బోల్తాపడినప్పటికీ.. అందాల సుందరి కాజల్ అగర్వాల్ ఎంతో లక్కీ గర్ల్‌. మిస్టర్ ఫర్‌ఫెక్ట్ ఇచ్చిన సూపర్ హిట్ మత్తులో వీర పరాజయం ఆమె దరిచేరలేదు. పైపెచ్చు.. వరుస ఆఫర్లు ఆమెను వెతుక్కుంటూ వస్తున్నాయి.
టాలీవుడ్‌లో భారీ సినిమాల్లో నటిస్తున్న కాజల్ అగర్వాల్ కోలీవుడ్, బాలీవుడ్‌లలో నటించేందుకు సైతం అవకాశాలు చేజిక్కించుకుంటోందంట. మహేశ్ బాబు, రామ్‌చరణ్ తేజ వంటి యువ హీరోల సరసన నటించే భారీ బడ్జెట్ మూవీల్లో నటించనున్న కాజల్ అగర్వాల్‌కు ఇటు కోలీవుడ్‌తో పాటు బాలీవుడ్‌లోనూ నటించే అవకాశాలొస్తున్నాయని ఫిలిమ్ వర్గాల్లో టాక్.
తెలుగు, తమిళంలో హిట్ అయిన యముడు/ సింగం సినిమాను హిందీలో రీమేక్ చేస్తున్నారు. ఇందులో అజయ్ దేవ్‌గన్‌ సరసన కాజల్ అగర్వాల్ నటించబోతున్నట్లు తెలిసింది. ముందు అనుష్కను నటించేందుకు హీరోయిన్‌గా ఎంపిక చేసేందుకు ప్లాన్ చేశారు. కానీ కాజల్ అగర్వాల్‌ను హిందీ యముడు హీరోయిన్‌గా ఎంపిక చేసేందుకు రంగం సిద్ధమవుతోంది.
ఇకపోతే.. తెలుగులో మహేష్ బాబు హీరోగా పూరీ జగన్నాథ్ దర్శకత్వం వహించే చిత్రంలో నటించనున్న కాజల్ తమిళంలో సూర్య సరసన నటించే బంపర్ ఆఫర్‌ను కొట్టేసింది. తాజాగా హిందీలో నటించే ట్రిపుల్ ఆఫర్‌ను సైతం కాజల్ సొంతం చేసుకున్నట్టు భోగట్టా.
No comments:
Post a Comment