మధ్య కాలంలో ఫ్లాష్ బ్యాక్ ఎపిసోడ్ లు ఫ్యాషన్ అయిపోయాయి. పైగా, ఆ ఎపిసోడ్ మీదే సినిమా ఆధారపడి వుందన్నట్టుగా బిల్డప్ ఇస్తున్నారు దర్శక నిర్మాతలు. మరి కొన్ని సినిమాలలో అయితే చారిత్రక నేపథ్యం అన్నది ఈ ఫ్లాష్ బ్యాక్ ఎపిసోడ్లకు ఆయువుపట్టుగా నిలుస్తున్నాయి. ఇప్పుడు జగపతిబాబు, ప్రియమణి జంటగా నటిస్తున్న 'క్షేత్రం' సినిమాలో కూడా ఇలాంటి ఎపిసోడ్ మీదే కథంతా ఆధారపడివుందట.
నాగపెంచలమ్మగా ప్రియమణి, వీరనరసింహరాయలుగా జగపతిబాబు ఈ ఎపిసోడ్ లో ఆదరగొట్టేస్తారని దర్శకుడు వేణుగోపాల్ చెబుతున్నారు. ఆయా పాత్రల్లో ఆహార్యం నుంచి, అభినయం వరకు అన్నిటా ఓ గంభీరత ఉంటుందని ఆయన అంటున్నారు. నిన్న(జూన్6) నుంచి ఈ సినిమా తాజా షెడ్యూలు షూటింగు హైదరాబాదులో వేసిన సెట్లో జరుగుతుందని గోవిందరాజు చెప్పారు. కీలక సన్నివేశాలు, రెండు పాటలు చిత్రీకరిస్తామని అన్నారు. ఇటీవల అన్నీ గ్లామర్ పాత్రలే వేస్తున్న ప్రియమణికి ఇది డెఫినిట్ గా వెరైటీ అవుతుంది. అందుకే, ఈ సినిమా మీద ఆమె చాలా ఆశలే పెట్టుకుంది..
No comments:
Post a Comment