"శ్రీరామరాజ్యం"లో సీతదేవి పాత్రలో కనిపించిన నయనతార పెళ్లికి అడ్డంకులు తొలగిపోయాయని అనుకుంటున్నా.. ఆమె కుటుంబ సభ్యుల్లో మాత్రం మతానికి సంబంధించిన అడ్డంకులు ఉన్నాయని భావిస్తున్నట్లు భోగట్టా.
ప్రభుదేవా హిందువు కనుక అతడిని పెళ్లి చేసుకున్నా క్రైస్తవ మతానికి చెందిన నయన అలాగే కొనసాగడం కష్టమని వారు తలపోస్తున్నట్లు తెలిసింది. ఈ నేపధ్యంలో నయనతార హిందూ మతంలోకి మారేందుకు సిద్ధమవుతోందన్న ఊహాగానాలు కోలీవుడ్‌లో వినిపిస్తున్నాయి.
పైగా శ్రీరామరాజ్యం చిత్రంలో సీతదేవి పాత్రలో నటించే అదృష్టం తనకు రావడం పూర్వజన్మ సుకృతమని నయనతార వెల్లడించింది. అంతేకాదు.. సీతాదేవి పాత్రలో కనిపించిన నయన తన ఆఖరి చిత్రం అదేనంటూ కంటతడి పెట్టుకున్నది కూడా.
యూనిట్‌ను వదిలి వెళుతూ చేతుల్లో పద్మాన్ని ఉంచి అందరికీ చూపిస్తూ తనలో ఉన్న ఆధ్యాత్మిక భావాలను వెల్లడించింది. అలా పద్మాన్ని చేతుల్లో పెట్టుకుని సీతాదేవి పాత్రలో నిలుచున్న నయనకు యూనిట్ సభ్యులంతా చేతులు జోడించి నమస్కరించడంతో నయన కళ్లు ఆనంద బాష్పాలతో నిండిపోయాయి.
No comments:
Post a Comment